Pregnancy : प्रेग्नंट बायकोला फिल्म पाहायला थिएटरमध्ये नेताय; आधी पुण्याच्या डॉक्टरांचा हा VIDEO पाहा

असं म्हणतात की बाळ पोटात असताना आई जे काही ऐकते त्याचा परिणाम बाळावरही होतो. त्यामुळे बऱ्या महिला प्रेग्नन्सीमध्ये एखादी चांगली फिल्मही पाहायला जातात. पण थिएटरमध्ये आवाज इतका असतो की तिथं प्रेग्नंट महिलांनी फिल्म पाहणं योग्य आहे की नाही? असा प्रश्नही काही वेळा पडतो. याबाबत पुण्यातील स्त्रीरोगतज्ज्ञ डॉ. श्वेता यांनी माहिती दिली आहे.

डॉ. श्वेता म्हणाल्या, नॅशनल इन्स्टिट्युट ऑफ ऑक्युपेशनल सेफ्टी अँड हेल्थ अॅडव्हायसेजने प्रेग्नंट महिलांसाठी सुरक्षित आवाजाची मर्यादा दिलेली आहे. ती आहे 72 ते 115 डेसिबल. आपण सामान्यपणे बोलतो तो आवाज 60 ते 90 डेसिबलच्या मध्ये असतो.  सगळ्या नियमांचं पालन करणाऱ्या थिएटरमध्ये 115 डेसिबलची मर्यादा ओलांडली जात नाही. त्यामुळे अशा थिएटरमध्ये जाऊन प्रेग्नंट महिला मुव्ही पाहू शकतात.

या संशोधनानुसार मुलं आठव्या महिन्यापासूनच बाहेरचा आवाज ऐकू शकतात असं म्हटलं आहे. या आवाजाने त्याच्या हृदयाच्या ठोक्यात बदल होतात, गर्भात त्याची थोडी हालचाल होऊ शकते.

याचा अर्थ जन्माआधीच मुलांची ऐकण्याची क्षमता विकसित होते. जन्मानंतर ती अधिक विकसित होते आणि हळूहळू मूल बोलायला शिकतं. या कालावधीत बाळ आईच्या अधिक जवळ असल्याने त्याला आईचा आवाज जास्त ओळखीचा असतो. त्यामुळे जन्मानंतर बाळ आईचा आवाज ओळखतो.