कामाच्या ठिकाणी घेऊ शकता डुलकी? वर्किंग प्रोफेशनलचं यावर काय आहे म्हणणं?

कार्यालयात काम करणाऱ्या लोकांचे सर्वेक्षण करण्यात आले. या सर्वेक्षणात कर्मचाऱ्यांना विचारण्यात आले की ते कामाच्या दरम्यान झोप घेतात का? यावर मोठ्या संख्येने कर्मचाऱ्यांनी हे मान्य केलं की ते कामाच्या ठिकाणी डुलकी घेतात. यामुळे थकवा दूर होऊन त्यांची काम करण्याची क्षमता वाढते आणि त्यांचे आरोग्यही चांगले राहते.

जीनियस कन्सल्टंट या एम्प्लॉई सोल्युशन्स आणि ह्युमन रिसोर्स सेवा देणाऱ्या कंपनीने हे सर्वेक्षण केले आहे. जिनियस कन्सल्टंटने सर्वेक्षणानंतर एक अहवाल प्रसिद्ध केला. त्यात म्हटले आहे की जपानमध्ये 'इनेमुरी' ची प्रथा बर्‍याच काळापासून सुरू आहे, ज्यामध्ये कामाच्या वेळी झोप घेणे देखील समाविष्ट आहे.