Benefits of Dry Coconut: सुक्या खोबऱ्याचे आहेत इतके फायदे; महिलांनी दररोज का खायला हवं सुकं खोबरं? फायदे जाणून बसेल आश्चर्याचा धक्का

 ‘देवाची करणी आणि नाराळात पाणी’ अशी म्हण आपल्या सगळ्यांना माहिती आहे. नारळाच्या झाडामुळे अनेक फायदे होत असल्यामुळे त्याला कल्पवृक्ष म्हटलं जातं. जसे नारळाच्या झाडाचे अनेक फायदे आहेत तसेच फायदे हे नारळातून मिळणाऱ्या खोबऱ्याचे सुद्धा आहेत. खोबरं हे आपल्या आयुष्याचा अविभाज्य भाग. ओलं खोबरं आपण अनेकदा खातो. कधी देवळातला प्रसाद तर कधी भाजीत. ओल्या खोबऱ्यामुळे मसालेभाताचं सौंदर्यं वाढतं. मात्र आज जाणून घेऊयात सुक्या खोबऱ्याचे किती फायदे आहेत.

दररोज संसाराचा गाडा हाकताना महिलांचं आपल्या आरोग्याकडे दुर्लक्ष होतं. जर ती स्त्री नोकरी करणारी असली की मग संपलंच. घर आणि ऑफिस यांची सांगड घालताना सततची कामं, शारीरिक आणि मानसिक  ताण, यामुळे महिलांचं स्वत:च्या तब्येतीकडे दुर्लक्षच होत राहतं. ज्याची परिणीती गंभीर आजारात होते. त्यामुळे अनेक त्रासांपासून महिलांना स्वत:ला दूर ठेवायचं असेल तर त्यांच्यासाठी सुकं खोबरं हे एखाद्या औषधापेक्षा कमी नाहीये. दररोज सुकं खोबरं खाल्ल्याने हृदयविकाराचा धोका कमी होतो.