रोज स्वयंपाक करणं कंटाळवाणं वाटतंय? मग वापरा 'या' 2 ट्रिक्स, वेळ आणि पैसा दोन्ही वाचेल!

पुढील दोन किंवा तीन दिवसांसाठी लागणाऱ्या भाज्या चिरून आणि कापून ठेवा, जेणेकरून त्या ताज्या राहतील. तुम्ही एका जेवणात चिकन किंवा मासे यांचा समावेश करू शकता, तर दुसरे जेवण पूर्णपणे शाकाहारी ठेवा. नाश्त्यासाठी किंवा कामाच्या ठिकाणी दुपारच्या वेळेत हलका नाश्ता म्हणून आठवड्यातून दोन वेळा मोड आलेली कडधान्ये तयार करून ठेवा. भाज्या आणि इतर पदार्थ सहज शिजवण्यासाठी एक 'स्लो-कुकर' खरेदी करा. सर्वात महत्त्वाचे म्हणजे, दर रविवारी 10 मिनिटे वेळ काढून तुमच्या आठवड्याचा मेनू ठरवा. यामुळे तुम्हाला काय खायचे आहे आणि कधी खायचे आहे, हे आधीच कळेल.

ओट्स-दालचिनीचे कुकीज, संपूर्ण गव्हाचे किंवा मल्टीग्रेन ब्राउनीज, तसेच सुक्या मेव्याचे छोटे डबे आठवड्याच्या 'मील प्रेप'मध्ये ठेवा. हे कोरडे पदार्थ एका आठवड्यापर्यंत खराब होत नाहीत. कुकीज हवाबंद डब्यांमध्ये ठेवू शकता, ब्राउनीज फ्रिजमध्ये ठेवू शकता आणि ड्रायफ्रूट्स किचनमध्येच ठेवता येतात.