माउथवॉश वापरणाऱ्यांची धोक्याचा इशारा, चुकीची पद्धत आणि कॅन्सरला आमंत्रण

नवी दिल्ली : आपण दररोज दात घासतो. दात, हिरड्या स्वच्छ करण्यासाठी आणि तोंड जंतूमुक्त ठेवण्यासाठी आजकाल टूथपेस्टसोबत माउथवॉश देखील वापरतात. माउथवॉश वापरणं हा एक प्रकारे ट्रेंडच बनला आहे. सहसा, लोक आपल्या आवडत्या सेलिब्रिटींच्या जाहिराती पाहिल्यानंतर कोणताही रिसर्च न करता संबंधित माउथवॉश वापरण्यास सुरवात करतात. एका रिसर्चनुसार, सामान्यतः वापरल्या जाणाऱ्या अल्कोहोल-बेस्ड माउथवॉशचा तोंडातील मायक्रोबायोमवर (तोंडात राहणारे बॅक्टेरिया) थेट परिणाम होऊ शकतो. त्यामुळे पिरियॉडॉन्टल आजार आणि ओरल कॅन्सरचा धोका वाढतो. ओरल मायक्रोबायोम अन्न पचनास मदत करतात आणि तोंड निरोगी ठेवण्यास मदत करतात.