तुमचा अपमान आणि पश्चात्ताप झाल्याशिवाय हे युद्ध थांबणार नाही, इराणचा थेट डोनाल्ड ट्रम्प यांना इशारा

तेहरान: मध्य पूर्वेत तणाव सातत्याने वाढत असताना गुरुवारी इराणच्या लष्कराने डोनाल्ड ट्रम्प यांच्या वक्तव्यांना तीव्र प्रत्युत्तर दिले. या संघर्षाचा शेवट अमेरिकेला दीर्घकालीन अपमान, पश्चात्ताप आणि शरणागती पत्करावी लागेपर्यंत होणार नाही, असा इशाराही देण्यात आला. ट्रम्प यांनी देशाला संबोधित करताना इराणच्या नौदल आणि वायुसेनेवर मोठा आघात झाला असून त्यांचे नेतृत्व मोठ्या प्रमाणात कमकुवत झाले असल्याचा दावा केला होता. त्यावर तेहरानकडून ही प्रतिक्रिया आली.