मशरूम फक्त चवीलाच नाही स्वादिष्ट; रक्तदाब ठेवतं नियंत्रणात, जीवनसत्त्वही असतात मुबलक!

चमोली : मशरूम बाजारात प्रत्येक हंगामात मिळतात, परंतु हिवाळ्यात त्यांना विशेष मागणी असते. मशरूममधील पोषक तत्त्व आणि उबदारपणा हीच यामागची कारणं आहेत. महत्त्वाचं म्हणजे मशरूममध्ये भरपूर प्रमाणात अँटीऑक्सिडंट गुणधर्म असतात, ज्यामुळे आरोग्य सुदृढ राहतं. शिवाय मशरूममध्ये पोटॅशियम, कॉपर, आयर्न आणि फायबरसारखे पोषक तत्त्वदेखील चांगल्या प्रमाणात असतात. म्हणूनच मशरूम विविध आजारांवर गुणकारी मानलं जातं.

आयुर्वेदिक डॉक्टर प्रेरणा सांगतात की, मशरूममध्ये एवढे पौष्टिक तत्त्व असतात की, त्यामुळे कर्करोगासारख्या गंभीर आजारापासून आपलं संरक्षण होऊ शकतं. त्याचबरोबर मशरूममधील अँटीऑक्सिडंट गुणधर्मांमुळे शरीर स्वच्छ होण्यासही मदत मिळते. शरिरात उबदेखील निर्माण होते.