Eating Raw Onion Benefits: डोळ्यात पाणी आणणारा कांदा ठरतो अनेक आजारांवर गुणकारी, मात्र ‘या’ लोकांनी कांद्यापासून रहावं दूर

मुंबई : कांदा हा आपल्या अनेकांच्या जीवनातला एक महत्त्वाचा घटक झालेला आहे. अगदी साध्या कांदापोहे, भजी अशा नाश्ताच्या पदार्थापासून ते विविध भाजी पराठ्यांमध्ये कांदा आढळून येतो. जोपर्यंत पुलाव किंवा बिर्याणीमध्ये परतून तांबडा झालेला कांदा पडत नाही तो पर्यंत बिर्याणी किंवा पुलावची शोभा आणि चव वाढत नाही. फक्त भारतातच नाही तर जगभरात कांदा दररोज मोठ्या प्रमाणात खाल्ला जातो. कांदा हा कच्चा किंवा शिजवूनही खाता येऊ शकतो. सँडविच किंवा सलाडमध्ये कच्चा कांदा कापून खाता येतो. कच्चा कांदा खाल्ल्याने शरीराला अनेक फायदे मिळतात. कांदा सल्फर आणि अँटिऑक्सिडंट्सचा चांगला स्रोत आहे. रोज कांदा खाल्ल्याने हृदयाचं आरोग्य सुधारतं. कांद्याच्या नियमित वापरामुळे पचनाच्या विविध समस्याही दूर व्हायला मदत होतात.