'बॉडी' बनवण्याच्या नादात जीवावर बेतलं; प्रोटीन शेक घेण्यापूर्वी 'ही' बातमी वाचा; नाहीतर होईल पश्चात्ताप

जिममध्ये गेल्यानंतर कोच किंवा मित्रांच्या सांगण्यावरून आपण डबेच्या डबे प्रोटीन सप्लिमेंट्स विकत घेतो. पण, भारतातील एका संशोधनानुसार, बाजारात उपलब्ध असलेल्या 70% प्रोटीन सप्लिमेंट्सवरील माहिती ही दिशाभूल करणारी आहे. इतकेच नाही तर 14% सप्लिमेंट्समध्ये घातक टॉक्सिन्स (विषारी घटक) आढळले आहेत. आपल्या शरीराला प्रोटिनची गरज असते पण आर्टिफिशल प्रोटिन शेकची नाही, त्यामुळे शक्य तितकं नॅचरल प्रोटीन घ्या, ते ही तुमच्या शरीराला जितकं गरजेचं आहे तितकच, त्याच्यापेक्षा जास्त प्रोटीन नको.

आपले शरीर 60% पाणी, 16% प्रोटीन आणि 16% फॅटपासून बनलेले असते. प्रोटीन हे स्नायूंच्या बांधणीसाठी, केसांसाठी, नखांसाठी आणि शरीरातील हार्मोन्सच्या संतुलनासाठी 'बिल्डिंग ब्लॉक' म्हणून काम करते. मात्र, हे प्रोटीन नैसर्गिक अन्नातून मिळवणे सर्वात सुरक्षित असते.

सामान्य व्यक्ती: शरीराच्या वजनाच्या प्रति किलो 0.8  ग्रॅम प्रोटीन.

१. फायबरचे महत्त्व: केवळ प्रोटीन घेऊन चालत नाही. प्रोटीन पचवण्यासाठी शरीराला फायबर (Fiber) ची अत्यंत गरज असते. जर तुम्ही प्रोटीनसोबत भाज्या किंवा फळे खाल्ली नाहीत, तर बद्धकोष्ठता, गॅस आणि पचनाच्या गंभीर समस्या उद्भवू शकतात.

जर तुम्हाला शक्य असेल, तर अंडी, पनीर, सोयाबीन, डाळी, बदाम आणि चिकन यांसारख्या नैसर्गिक स्रोतांतून प्रोटीन मिळवण्याचा प्रयत्न करा. हे प्रोटीन शरीर नैसर्गिकरित्या शोषून घेते आणि त्याचे कोणतेही साईड इफेक्ट्स नसतात.