Video: राखी फक्त बांधायची नाही तर नंतर खायची! पुणेकरांना खास पर्वणी

दरवर्षीप्रमाणे दोरा, रेशीम, लेस, मोती, मणी, रुद्राक्ष, कुंदन वापरून केल्या जाणाऱ्या राख्या आणि वेगवेगळे डिजाईन केलेल्या राख्या मोठ्या संख्येने उपलब्ध आहेत. अगदी दोन रुपयांपासून ते सोने, चांदी आणि हिऱ्याच्या राख्यांही घेतल्या जातात. परंतु यात थोडासा बदल म्हणून खाता येतील अशा चॉकलेटच्या राख्यांही बाजारात आल्या आहेत. यामध्ये टेडी बियर, विविध फुल, आईस्क्रीम चॉकलेट या राख्यांचा यामध्ये समावेश आहे.

गेले तीन वर्ष मी या संकल्पनेवर काम करत आहे. यंदा प्रथमच हव्या तशा राख्या बनल्या असून त्याला ग्राहकांचा उत्तम प्रतिसाद आहे. यावेगळ्या राख्यांमुळे लहान मुल ही आवर्जून ते घेण्यासाठी येतात. या राख्या चार ते पाच दिवस उत्तम स्थितीत फ्रिजशिवाय टिकतात. भाऊ-बहीण अर्धीअर्धी करून वरचे चॉकलेट खाऊ शकतात. इतकेच नव्हे तर वरचे चॉकलेट खाल्ल्यावर उर्वरित राखी नेहमीच्या राखीप्रमाणे हवी तितके दिवस हातावर ठेवता येते. या राख्यांची किंमत 10 रुपयांपासून ते 50 रुपयेपर्यंत अशी माहिती चॉकलेट राख्या बनवणारे विक्रम मूर्ती यांनी दिली.

मूर्तीज बेकरी सोमवार पेठ पुणे.