Winter Care : हिवाळ्यात अशी घ्या हातापायांची काळजी, भेगा घालवण्यासाठी घरी बनवा पेट्रोलियम जेली
- Published by:Renuka Joshi
Last Updated:
घरी खरी पेट्रोलियम जेली बनवणं शक्य नसलं तरी, तुम्ही घरी सहजपणे त्यासाठीचा नैसर्गिक आणि सुरक्षित पर्याय बनवू शकता. याचे गुणधर्म पेट्रोलियम जेलीसारखेच आहेत, यामुळे त्वचा मॉइश्चरायझ होते आणि मऊ राहण्यास मदत होते.
मुंबई : हिवाळ्यात अनेकांना टाचांना भेगा पडणं ही समस्या जाणवते. थंड आणि कोरडी हवा त्वचेला हानी पोहोचवू शकते, ज्यामुळे टाचांची काळजी घेणं आणखी कठीण होतं. म्हणून, या आजारांवर उपचार करण्यासाठी पेट्रोलियम जेलीचा वापर केला जातो.
पेट्रोलियम जेली हे नैसर्गिक मेण आणि खनिज तेलांचं मिश्रण आहे. यामुळे त्वचा मॉइश्चरायझ करायला मदत होते. यासाठी पेट्रोलियम जेली विकत आणत असाल तर आधी ही माहिती वाचा.
घरी खरी पेट्रोलियम जेली बनवणं शक्य नसलं तरी, तुम्ही घरी सहजपणे त्यासाठीचा नैसर्गिक आणि सुरक्षित पर्याय बनवू शकता. याचे गुणधर्म पेट्रोलियम जेलीसारखेच आहेत, यामुळे त्वचा मॉइश्चरायझ होते आणि मऊ राहण्यास मदत होते.
advertisement
घरी पेट्रोलियम जेली बनवण्यासाठी लागणारं साहित्य - नारळाचं तेल, दोन टेबलस्पून मेण, ऑलिव्ह ऑइल आणि
ग्लिसरीन.
घरी पेट्रोलियम जेली बनवण्यासाठी, एका भांड्यात थोडं पाणी गरम करा. पाणी गरम झाल्यावर त्यावर काचेचं भांडं ठेवा. भांड्यात नारळाचं तेल आणि मेण घाला. मेण पूर्णपणे वितळेपर्यंत मध्यम ते कमी आचेवर हे मिश्रण गरम करा.
advertisement
मेण आणि खोबरेल तेल पूर्णपणे वितळलं की, भांडं गॅसवरून काढा. बाऊलमधे ऑलिव्ह ऑइल घाला आणि मिश्रण क्रिमी होईपर्यंत व्यवस्थित फेटून घ्या.
आणखी कोणतीही तेलं घालायचं असतील तर वापरु शकता. नंतर, हे मिश्रण काळजीपूर्वक स्वच्छ, झाकण असलेल्या भांड्यात किंवा कंटेनरमधे ओता. पेट्रोलियम जेली तयार आहे. ते सेट होण्यासाठी दोन-तीन तास राहू द्या.
advertisement
थंड झाल्यावर ते जाड होऊन पेट्रोलियम जेलीसारखे दिसेल. फुटलेले ओठ, कोरडे हातपाय आणि टाचांना भेगा पडलेल्या ठिकाणी ही घरगुती जेली वापरा. हिवाळ्यात ही पेट्रोलियम जेली नियमितपणे लावल्यानं टाचेच्या भेगा कमी होण्यास मदत होईल.
Location :
Mumbai,Maharashtra
First Published :
Nov 05, 2025 7:13 PM IST
मराठी बातम्या/लाइफस्टाईल/
Winter Care : हिवाळ्यात अशी घ्या हातापायांची काळजी, भेगा घालवण्यासाठी घरी बनवा पेट्रोलियम जेली
