Trending:

Tandoori Roti Making : घरी तंदूर नाही? प्रेशर कुकरमध्ये काही मिनिटांत बनवा तंदुरी रोटी, पाहा सोपी पद्धत

Published by:Pooja Jagtap

Last Updated:August 02, 2023 6:28 PM IST

जर तुम्हाला ढाबा स्टाईल तंदुरी रोटी घरी खायची असेल तर तुमच्याकडे तंदूर स्टोव्ह असणे आवश्यक नाही, तुम्ही प्रेशर कुकरच्या मदतीने मिनिटांत अनेक तंदूरी रोट्या सहज बनवू शकता.

प्रेशर कुकर अशा प्रकारे तयार करा तंदुरी रोटी...

मुंबई, 2 ऑगस्ट : जेव्हा आपण उत्तर भारतीय रेस्टॉरंटमध्ये जेवण ऑर्डर करतो, तेव्हा आपल्या मनात पहिली गोष्ट येते ती म्हणजे पंजाबी स्टाईलमध्ये बनवलेले दाल मखनी, बटर चिकन, शाही पनीर आणि ते नान, रुमाली रोटी, लच्छे पराठा सोबत खाणे. पण या सगळ्यांमध्ये आपल्याला सर्वात जास्त आवडते ते म्हणजे ओव्हनमध्ये बनवलेल्या गरमागरम रोट्या. या रोट्या कुरकुरीत आणि आतून खूप मऊ असतात. त्यांच्यासोबत जाडसर भाजी खाल्ल्याने आनंदच वाढतो.

पण या रोट्या घरी बनवण्याचा विचार केला तर सर्वप्रथम तंदुरी चुली नसल्याची तक्रार येते. तुमच्या समस्येचे समाधान आम्ही येथे आणले आहे. आम्ही तुम्हाला सांगतो की तुमच्या घरी पडलेल्या प्रेशर कुकरच्या मदतीने तुम्ही ढाबा स्टाइलच्या तंदुरी रोट्या सहज बनवू शकता आणि तेही पटकन. चला तर मग जाणून घेऊया ती बनवण्याची सोपी पद्धत कोणती आहे.

तंदुरी रोटी बनवण्यासाठी लागणारे साहित्य

- एक वाटी गव्हाचे पीठ

- अर्धी वाटी मैदा

- अर्धा छोटा चमचा मीठ

- थोडे तूप

- मोठ्या आकाराचा प्रेशर कुकर

- आवश्यकतेनुसार पाणी

तंदुरी रोटी बनवण्याची कृती

एका मोठ्या भांड्यात मैदा, गव्हाचे पीठ, मीठ घालून मिक्स करा. आता थोडे थोडे पाणी घालून मऊ पीठ बनवा. हे पीठ तवा रोटीच्या पिठापेक्षा मऊ असावे. मीठ घातल्याने चव चांगली येते. पीठ तयार झाल्यावर थोडावेळ झाकून अर्धा तास सोडा. नंतर ते एका प्लेटमध्ये काढून हातात थोडे तूप लावून पुन्हा चांगले मॅश करा.

प्रेशर कुकर अशा प्रकारे तयार करा

पाच लिटर किंवा त्याहून अधिक आकाराचा कुकर घ्या. यामध्ये तुम्ही एकावेळी 4 ते 5 रोट्या सहज बनवू शकता. आता तुम्ही गॅसची फ्लेम चालू करा आणि कुकरचे झाकण काढून आचेवर उलटे करून 2 मिनिटे मंद आचेवर ठेवा.

अशा प्रकारे बनवा रोट्या

- कुकर तापत असताना त्याचे छोटे आणि मध्यम आकाराचे गोळे बनवा, जेणेकरून एकाच वेळी अनेक रोट्या करता येतील.

- आता हे गोळे कोरडे पीठ न लावता दाबून चपातीच्या आकारात बनवा. यासाठी तुम्ही हाताला तूप किंवा तेल लावू शकता. या रोट्या थोड्या जाड असतात.

- अशा प्रकारे तुम्ही 4 रोट्या लाटून प्लेटमध्ये ठेवा. आता कुकरला गॅसवरून उचला आणि रोट्यांच्या एका बाजूला पाणी लावून त्याच्या आतील पृष्ठभागावर चिकटवत राहा.

- गरम कुकरमुळे रोट्या सहज चिकटतील. नंतर गॅसवर कुकर उलटा ठेवून मध्यम आचेवर फिरवा.

मधेच तपासत रहा की रोट्या जळत नाहीत. आता चिमट्याच्या मदतीने बाहेर काढा आणि तूप किंवा बटर लावून गरमागरम सर्व्ह करा.

Location :

Mumbai,Maharashtra

First Published :

August 02, 2023 6:18 PM IST

Tandoori Roti Making : घरी तंदूर नाही? प्रेशर कुकरमध्ये काही मिनिटांत बनवा तंदुरी रोटी, पाहा सोपी पद्धत