Trending:

Most Expensive Rice : 'हा' आहे जगातील सगळ्यात महागडा तांदूळ, 1 किलोची किंमत ऐकून बसेल शॉक

Published by:Devika Shinde

Last Updated:October 28, 2025 2:59 PM IST

भारतात बासमती तांदूळ आपल्या लांब दाण्यांमुळे आणि खास सुगंधामुळे प्रसिद्ध आहे, पण तुम्हाला माहिती आहे का जगात असा एक तांदूळ आहे ज्याची किंमत ऐकून कोणीही थक्क होईल? एका किलोची किंमत थेट ₹12,000 पर्यंत जाते. चला जाणून घेऊया, कोणता आहे हा तांदूळ आणि त्याची खासियत काय आहे.

इम्पॅक्ट शॉटतुमचा गेटवे लेटेस्ट न्यूज

मुंबई : आपल्यासाठी जेवणाची थाळी तांदुळाशिवाय अपुरीच वाटते. भारतातच नव्हे, तर जगभरात तांदूळ हा रोजच्या आहाराचा अविभाज्य भाग आहे. बासमती, सोनामसुरी, कोलम, लाल तांदूळ अशा अनेक प्रकारांमधून प्रत्येकाची स्वतःची चव आणि सुगंध वेगवेगळा असतो. भारतात बासमती तांदूळ आपल्या लांब दाण्यांमुळे आणि खास सुगंधामुळे प्रसिद्ध आहे, पण तुम्हाला माहिती आहे का जगात असा एक तांदूळ आहे ज्याची किंमत ऐकून कोणीही थक्क होईल? एका किलोची किंमत थेट ₹12,000 पर्यंत जाते. चला जाणून घेऊया, कोणता आहे हा तांदूळ आणि त्याची खासियत काय आहे.

जगातील सर्वात महागडा तांदूळ Kinmemai Premium

हा तांदूळ जपानमध्ये पिकवला जातो आणि त्याचं नाव आहे Kinmemai Premium Rice. या तांदळाची किंमत सुमारे $109 ते $155 (भारतीय चलनात ₹7,000 ते ₹12,000 किलो) एवढी आहे. एवढंच नव्हे तर या तांदळाने गिनीज वर्ल्ड रेकॉर्ड्समध्ये देखील जागा मिळवली आहे, जगातील सर्वात महागडा तांदूळ म्हणून. हा तांदूळ Toyo Rice Corporation नावाच्या जपानी कंपनीकडून विकला जातो आणि तो केवळ खाद्यपदार्थ नाही, तर लक्झरी फूड आयटम म्हणून ओळखला जातो.

Kinmemai Premium इतका खास का आहे?

Kinmemai Premium हा सामान्य तांदुळासारखा नाही. या तांदळाचं पॉलिशिंग एका खास जपानी तंत्रज्ञानाने केलं जातं. सामान्य तांदूळ पॉलिश करताना त्यातील बाह्य थर काढले जातात, ज्यामुळे पोषक घटक नष्ट होतात. पण Kinmemai Premium मध्ये फाइबर, व्हिटॅमिन्स आणि स्वाद टिकवून ठेवले जातात. याचे प्रत्येक दाणे मऊ, चमकदार आणि हलक्या गोडसर चवीचे असतात, शिजवल्यानंतर त्याची सुगंध संपूर्ण घरभर पसरते, या तांदळाला परंपरा, नवकल्पना आणि आरोग्याचा संगम मानले जाते.

गिनीज वर्ल्ड रेकॉर्डमधील मान्यता

2016 साली Kinmemai Premium तांदूळला गिनीज बुक ऑफ वर्ल्ड रेकॉर्ड्स मध्ये जगातील सर्वात महागडा तांदूळ म्हणून नोंद मिळाली. त्याच वर्षी जपानमध्ये झालेल्या आंतरराष्ट्रीय तांदूळ स्पर्धेत 6,000 पेक्षा जास्त प्रकारांमधून Kinmemai Premium सर्वोत्तम ठरला होता.

आरोग्यासाठी फायदेशीर

या तांदळामध्ये व्हिटॅमिन B1, B6, E आणि फोलिक अॅसिड मुबलक प्रमाणात असतात. तसेच साध्या तांदळाच्या तुलनेत यात 6 पट जास्त लिपोपॉलीसॅकेराइड असते, जे रोगप्रतिकारक शक्ती वाढविण्यात मदत करते. तज्ञांच्या मते, Kinmemai Premium तांदूळ खाल्ल्याने इम्युनिटी वाढते आणि कॅन्सरसारख्या आजारांचा धोका कमी होतो.

भारतामध्ये देखील काही खास आणि दुर्मिळ तांदूळ प्रकार आहेत, त्यामध्ये बासमती तांदूळ, मुष्क बुदजी (काश्मीर), मणिपूरचा काळा तांदूळ (चाक हाओ), BSD Organics Thuyamalli Rice आहेत.

यांच्या किंमती 5,000 ते 5,300 रुपये प्रति किलोपर्यंत जातात, पण तरीही Kinmemai Premium च्या जवळही नाहीत.

जपानी परंपरेचा भाग

जपानमध्ये Kinmemai Premium हा केवळ अन्न नाही, तर गौरव आणि परंपरेचं प्रतीक आहे. जपानी लोक हा तांदूळ "शान आणि आदर" म्हणून खरेदी करतात. या तांदळाची खासियत म्हणजे त्याला धुण्याची गरज नसते आणि तो सहा महिने खराब होत नाही. एकंदरीत, Kinmemai Premium हा केवळ तांदूळ नाही, तर खाद्यकलेचा चमत्कार आहे. जिथे आरोग्य, स्वाद आणि परंपरा एका दाण्यात एकत्र येतात.

view comments

Location :

Mumbai,Maharashtra

First Published :

October 28, 2025 2:59 PM IST

Most Expensive Rice : 'हा' आहे जगातील सगळ्यात महागडा तांदूळ, 1 किलोची किंमत ऐकून बसेल शॉक