उन्हाळ्याच्या सुट्टीत बाहेर कुठं जाताय? मुंबईतच आहे बेस्ट पर्याय, मलबार हिलचा नेचर ट्रेलची संपूर्ण माहिती

या ट्रेलसाठी ऑनलाइन आणि ऑफलाइन अशा दोन्ही प्रकारच्या बुकिंगची सुविधा उपलब्ध आहे. https://naturetrail.mcgm.gov.in या अधिकृत वेबसाइटवर जाऊन ‘आता बुक करा’ या पर्यायावर क्लिक करून तिकीट बुक करता येते. भारतीय नागरिकांसाठी तिकीट दर 25 रुपये तर परदेशी पर्यटकांसाठी 100 रुपये इतका आहे. एकावेळी फक्त 200 पर्यटकांना प्रवेश दिला जातो. त्यामुळे ऑनलाईन आगाऊ बुकिंगला अधिक प्राधान्य दिलं जात आहे.

पर्यटकांनी पसंतीची तारीख व वेळ निवडून नोंदणी करावी लागते. त्यानंतर अभ्यागतांची संख्या आणि तपशील भरून ऑनलाइन पेमेंट करून तिकीट बुक करता येते. तसेच, ऑफलाइन तिकीट खरेदीचीही सुविधा आहे.

या एलिव्हेटेड ट्रेलमध्ये 100 हून अधिक वनस्पतींच्या प्रजाती, विविध प्रकारचे पक्षी, सरपटणारे प्राणी यांची झलक पाहायला मिळते. याशिवाय, पक्षी निरीक्षणासाठी खास विभाग, काचेच्या तळाचा निरीक्षण डेक आणि समुद्राकडे पाहणारा व्ह्यू डेक हेही पर्यटकांसाठी आकर्षण ठरत आहेत.

ट्रेलमध्ये बाहेरचं अन्न नेण्यास परवानगी नाही, मात्र पाण्याच्या बाटल्या नेता येतात. सुरक्षिततेसाठी आणि शांततेसाठी एकावेळी मर्यादित लोकांना प्रवेश दिला जातो.