Weight loss : 7 दिवसात वजन कमी करायचंय? मग किचनमधील हळदीचा 5 पद्धतीने करा वापर

हळदीचे दूध वजन कमी करण्यासाठी फायदेशीर ठरू शकते. यासाठी एक ग्लास गरम दुधात एक चमचा हळदी पावडर मिक्स करावी आणि त्याला व्यवस्थित मिक्स करावे. दररोज रात्री झोपण्यापूर्वी याचे सेवन केल्यास वजन लवकर कमी होण्यास मदत होते.

वजन कमी करण्यासाठी हळद आणि आल्याचे सेवन फायदेशीर ठरते. या दोघांचे मिश्रण तयार करून त्याचे सेवन केल्यास शरीरातील अतिरिक्त फॅट्स बर्न होतात. यासाठी एक कप पाण्यात एक इंच आल्याचा तुकडा आणि दोन चिमूटभर हळद टाकून पाण्याला उकळी काढा. मग हे पाणी व्यवस्थित गाळून हे पाणी घोट घोट करून प्यावे.

हळद आणि मधाचे मिश्रण वजन कमी करण्यासाठी फायदेशीर ठरते. यासाठी एका वाटीत एक चमचा मध घ्यावे आणि त्यात थोडी कच्ची हळद मिसळावी. तुम्हाला हवं असल्यास तुम्ही हळदीच्या पाण्यात मध देखील मिसळू शकता.

हळद आणि दालचिनीमुळे देखील वजन कमी करण्यास फायदा होतो. या दोन पदार्थांचे एकत्रितपणे सेवन केल्यास ब्लड शुगर कंट्रोलमध्ये राहते. यासाठी एका भांड्यात एक कप पाणी गरम करा आणि त्यात एक दालचिनीचा तुकडा टाका आणि वरून चिमूटभर हळद टाका आणि या मिश्रणाला थोडी उकळी काढा. मग हे पाणी गाळून त्याचे सेवन करा. रोज सकाळी रिकाम्या पोटी याचे सेवन केल्यास वजन नियंत्रणात राहील.