वॉशरूममध्ये फोन वापरताय? सावधान! या सवयीमुळे होतील 'हे' भयंकर आजार; डाॅक्टरांनी दिला गंभीर इशारा

डॉ. आशीष सिंह यांचं म्हणणं आहे की, जेव्हा आपण वॉशरूममध्ये मोबाइल घेऊन जातो, तेव्हा आपला मेंदू त्या स्क्रीनवर व्यस्त राहतो. त्यामुळे शौचासाठी लागणारा वेळ अधिक वाढतो. याचा परिणाम असा होतो की 90 टक्के तरुणांमध्ये बद्धकोष्ठता आणि पचनतंत्रातील बिघाड दिसून येतो.

जर ही स्थिती दीर्घकाळ टिकली, तर पाइल्स होण्याचा धोका मोठ्या प्रमाणात वाढतो. शरीराच्या शौचक्रियेसाठी मेंदू, आतडं आणि स्नायू यांचं एकत्रित काम करणं आवश्यक असतं. पण मोबाइलमध्ये गुंतल्यामुळे मेंदू तितकं लक्ष देत नाही. त्यामुळे आतडं आणि स्नायूंना योग्य वेळी संकेत मिळत नाहीत आणि त्यांना वाट बघावी लागते. यामुळे शौचाला वेळ लागतो, आणि शरीरातील नसांमध्ये रक्त गोळा होऊन पाइल्ससारख्या समस्यांना सुरुवात होते. डॉ. सिंह सांगतात की, पोट नीट साफ न होणं हे याचं प्रमुख लक्षण आहे. त्यासोबतच मरोड, पोट फुगणं, गॅस होणं, अन्न पचत न जाणं अशा तक्रारीही मोठ्या प्रमाणावर वाढतात.