निरोगी राहायचंय? मग 'पोर्शन कंट्रोल'वर लक्ष द्या; रोज किती आणि काय खावं? वाचा सविस्तर

"आपल्याला पोट भरल्यासारखे वाटत आहे, तेव्हा याचा अर्थ आपण जास्त खाल्ले आहे. म्हणून, एक नियम लक्षात ठेवा: पोट पूर्ण भरल्यानंतर खाणे थांबवण्याऐवजी, भूक शमली की खाणे थांबवा. ही गोष्ट हेतुपुरस्सर आणि दररोज केली पाहिजे. यामुळे तुम्ही हलके आणि ऊर्जावान राहाल, ज्यामुळे दिवसभर काम करण्यासाठी तुम्हाला पुरेशी शक्ती मिळेल," असे आत्मंतन वेलनेस सेंटरचे सह-संस्थापक आणि संचालक निखिल कपूर सांगतात.

कपूर पुढे सांगतात की, "प्रत्येक व्यक्तीसाठी, अगदी खेळाडूंपासून ते जुनाट आजार असलेल्या रुग्णांपर्यंत, वेगवेगळ्या आहाराची मार्गदर्शक तत्त्वे आहेत. त्यामुळे ऑनलाइन माहितीवर अवलंबून न राहता प्रमाणित डॉक्टर किंवा पोषणतज्ञाचा (nutritionist) सल्ला घेऊन वैयक्तिक डाएट प्लॅन तयार करून घेणे महत्त्वाचे आहे. कारण, कोणताही  डाएट प्लॅन सगळ्यांसाठी सारखा नसतो. डॉक्टरांची टीम प्रत्येक व्यक्तीच्या आरोग्याची तपासणी करून त्याला आवश्यक असलेली आणि ठराविक कालावधीसाठीची योग्य प्लॅन देते. त्यासोबतच औषधी पूरक घटकही (herbal supplements) सुचवले जातात, ज्यामुळे शरीरातील पोषणमूल्यांची कमतरता भरून निघते."