प्रपोज करण्यात नेहमी मुलांचाच पुढाकार का? मनातील भावना व्यक्त करण्यापासून मुलींना रोखतात या गोष्टी
- Published by:Pratiksha Pednekar
Last Updated:
तुम्ही कधी विचार केला आहे का की नेहमी मुलेच त्यांचे प्रेम सर्वांत आधी व्यक्त का करतात? मुली प्रेमात असल्या तरीही त्या त्यांचे प्रेम व्यक्त करत नाहीत, तर त्या ते लपवून ठेवतात.
आपण अनेकदा मुला-मुलींना प्रेमात पडलेले पाहतो. हे दिवस अतिशय सुंदर असतात. आपल्यापैकी प्रत्येकालाच हे दिवस जगायचे असतात. मात्र तुम्ही कधी विचार केला आहे का की नेहमी मुलेच त्यांचे प्रेम सर्वांत आधी व्यक्त का करतात? मुली प्रेमात असल्या तरीही त्या त्यांचे प्रेम व्यक्त करत नाहीत, तर त्या ते लपवून ठेवतात. त्यांना नेहमी असेच वाटते की मुलानेच सर्वप्रथम त्याचे प्रेम व्यक्त करावे. असे करण्यामागे काय कारण असेल हा प्रश्न तुम्हाला कधी पडला आहे का? मुलींच्या प्रेम व्यक्त न करण्यामागील रंजक कारणे जाणून घेऊया.
नाकारले जाण्याची भीती
प्रेमात नकार मिळू नये असे प्रत्येकालाच वाटते. तथापि, मुलींना कधीही प्रेमात नकार मिळू नये असे वाटत असते. प्रेमात मिळालेला नकार हा मुलींसाठी एखाद्या आघातापेक्षा कमी नसतो. यातून बाहेर येण्यासाठी त्यांना खूप वेळ लागतो. जर एखाद्या मुलाने त्यांना नकार दिला तर त्यांना त्यांची कुवत कमी वाटते.
प्रेमभंग होण्याची भीती
मुली त्यांचे प्रेम व्यक्त करत नाहीत यामागील आणखी एक कारण म्हणजे प्रेमभंग होण्याची भीती. त्यांना सतत असे वाटते की समोरील व्यक्ती त्यांचा आदर करणार नाही, त्यांना सोडून जाईल. परिणामी त्यांचा प्रेमभंग होईल.
advertisement
स्पेशल फील करणे
अनेक अभ्यासांमध्ये असे दिसून आले आहे की मुलींना मुलांनी प्रत्येक गोष्टीत पुढाकार घेणे आवडते. म्हणूनच त्या त्यांचे प्रेम लगेचच व्यक्त करत नाहीत. मुलींना सतत असे वाटत असते की मुलांनी त्यांना स्पेशल फील करवून द्यावे. मुलींना त्यांना बरेच जण पसंत करतात ही भावना आवडते. मुलांनी त्यांना प्राधान्य द्यावे असे त्यांना वाटते.
advertisement
बोल्ड हा टॅग दिला जातो
ज्या मुली त्यांच्या आवडीच्या मुलाला आधी प्रपोज करतात त्यांना बोल्ड असा टॅग दिला जातो. म्हणजेच अशा मुलींबाबत असा विचार केला जातो की त्या लगेच कोणावरही भाळतात. कोणतीही मुलगी स्वतःसाठी असा विचार सहन करू शकत नाही. म्हणूनच त्या नेहमी हिंट्स देऊन त्यांचे प्रेम व्यक्त करतात.
कॅरेक्टरलेस म्हटले जाण्याची भीती
view commentsमुले नेहमीच त्यांच्या भावना मुलींना सर्वप्रथम सांगतात. जर एखाद्या मुलाने त्याचे प्रेम मिळवण्यासाठी वेगवेगळ्या गोष्टी केल्या तर लोक त्याला रोमँटिक म्हणतात पण जर एखाद्या मुलीने तेच केले तर लोक त्यांना डेस्परेट म्हणतात. कधीकधी काही लोक त्यांच्यासाठी कॅरेक्टरलेस असे शब्दही वापरतात. या सगळ्याचा विचार करून मुली आपल्या भावना सांगणे टाळतात.
Location :
Mumbai,Maharashtra
First Published :
Sep 27, 2024 8:37 AM IST
मराठी बातम्या/लाइफस्टाईल/
प्रपोज करण्यात नेहमी मुलांचाच पुढाकार का? मनातील भावना व्यक्त करण्यापासून मुलींना रोखतात या गोष्टी
