Sleep routine tips : रात्री उशिरा झोपल्यानं होऊ शकतं नुकसान, चांगल्या झोपेसाठी करा हे उपाय

मुंबई : आपल्या देशात झोपेबद्दल अनेक गैरसमज आहेत. खरं तर झोप ही अन्न, वस्र, निवारा या मूलभूत गरजांइतकीच महत्त्वाची आहे, पण त्याकडे दुर्लक्ष केलं जातं. आजच्या काळात प्रत्येक व्यक्ती आपल्या कामात इतकी व्यस्त आहे की अनेकदा झोप पूर्ण होत नाही. उशिरा घरी येण्यामुळे आणि सकाळी लवकर घर सोडल्यामुळे, एखादी व्यक्ती झोपेबद्दल तडजोड करते, ज्याचा थेट परिणाम त्याच्या आरोग्यावर होतो. रात्री उशीरा झोपणं हा तुमच्या दिनक्रमाचा भाग झाला असेल तर तुम्ही अनेक गंभीर आजारांना आमंत्रण देत आहात हे नक्की. जाणून घेऊया उशीरा झोपण्याचे किंवा कमी झोपेचे काय तोटे आहेत आणि ते कसे टाळता येऊ शकतात.