Labubu Doll: लबूबू डॉलचा ट्रेंड आहे तरी काय? मुंबईत तर फक्त 350 रुपयांमध्ये करा खरेदी, Video

बाजारात हजारो रुपयांना विकली जाणारी ही दर्जेदार डॉल येथे केवळ 350 रुपयांमध्ये मिळत असून, होलसेलमध्ये 310 रुपयांना मिळत आहे. त्यामुळे ग्राहकांमध्ये ती झपाट्याने लोकप्रिय होत आहे. या डॉलचे खास वैशिष्ट्य म्हणजे ती 6 आकर्षक रंगांमध्ये उपलब्ध आहे. प्रत्येक रंग वेगळा आणि लक्षवेधी आहे. ही डॉल सॉफ्ट मटेरियल आणि स्टायलिश लुकमुळे ती मुलांच्या पसंतीस उतरत आहे.

जर तुम्ही होलसेलमध्ये खरेदी करत असाल, तर ही डॉल केवळ 310 मध्ये मिळू शकते. इथे होलसेल खरेदी करताना सहाही रंग वेगवेगळे मिळतात, जे खरेदीदारांसाठी अधिक फायदेशीर आहे. मात्र, सिंगल डॉल घेत असाल, तर रंग निवडता येणार नाही, कोणताही रंग दिला जाऊ शकतो.

चामुंडा नॉव्हेल्टी हे दुकान सॉफ्ट टॉयज आणि गिफ्ट आयटम्ससाठी प्रसिद्ध असून, सध्या लबूबू डॉलसाठी येथे ग्राहकांची मोठी गर्दी होत आहे. अनेक तरुण आणि मुलं या डॉलसोबतचे रील्स, फोटो आणि सोशल मीडिया कंटेंट तयार करत आहेत.

झेंजी मुलांसाठी ही डॉल एक परफेक्ट गिफ्ट आयडिया ठरत आहे. तुम्हालाही ही खास लबूबू डॉल हवी असेल, तर क्रॉफर्ड मार्केटमधील सफा सेंटरच्या सहाव्या मजल्यावर असलेल्या चामुंडा नॉव्हेल्टी या दुकानाला एकदा नक्की भेट द्या. क्वालिटी, आकर्षक किंमत आणि ट्रेंडिंग स्टाईल सगळं काही एकाच ठिकाणी!