Lok Sabha Election : नगरमध्ये नव्या राजकारणाची नांदी, भाजपमधीलच दोन नेत्यांमध्ये दिलजमाई!

अहमदनगर, (साहेबराव कोकणे, प्रतिनिधी) : जामखेड तालुका भाजप पदाधिकऱ्याची प्रचार नियोजन बैठक खा.सुजय विखे आणि आ.राम शिंदे यांच्या उपस्थितीत आज मंगळवारी पार पडली. लोकसभा निवडणुकीला राम शिंदे हे इच्छुक होते. त्यानंतर त्यांचा वाद हा देवेंद्र फडणवीस यांच्या कोर्टात गेला होता. त्यानंतर आज जामखेड तालुक्यातील पदाधिकारी, प्रमुख कार्यकर्ते मोठ्या संख्येने उपस्थित होते. पक्षाने 13 मार्च रोजी सुजय विखे यांना उमेदवारी घोषित केल्यानंतर आता कसलेही मतभेद उरलेले नाहीत, केंद्रीय नेतृत्वाने अब की बार चारसौ पारचा नारा दिला आहे. त्यामुळे सुजय विखे यांना विजयी करणे हे सर्वांचे लक्ष आहे. नगर दक्षिणेतील सहाही विधानसभा मतदारसंघात आपण विखे यांना जास्तीतजास्त मताधिक्य मिळेल यासाठी प्रयत्न करणार असल्याचे यावेळी सांगण्यात आले.