खासदारकी याच्याकडे, आमदारकी पण याच्याकडेच ठेवायला निघालाय, अजितदादांचा सडकून प्रहार

ते म्हणाले, पारनेरच्या सुप्यात औद्योगिक वसाहत आहे. परंतु तेथे मोठी दहशत आणि दादागिरी असल्याचे माझ्या कानावर आले आहेत. अनेक लोक तक्रार करीत असतात. उद्योगपतींनीही माझ्याकडे नाराजी व्यक्त केली आहे. वाळू सिमेंट खडी अमुक एका माणसाकडून घ्यावी, असा त्याचा (निलेश लंके) आग्रह असतो. आमच्याकडेही औद्योगिक वसाहती आहेत, पण आम्ही तिथे कुठल्याही प्रकारची दादागिरी करीत नाही. म्हणून आमच्याकडे उद्योगधंदे सुरळीत चालतात. त्याच्या गुंडगिरी, दादागिरीवर लवकरच तोडगा काढतो, असे अजित पवार म्हणताच उपस्थितांनी प्रचंड टाळ्यांचा कडकडाट केला.

पारनेरमधील राजकारण बदलले आहे. निलेश लंके याला आमदार केले आहे. तो तिकडे (शरद पवार) गेला. त्याने भूमिका बदलली. मी पारनेरला मोठा निधी दिलाय, निलेश लंके यांच्याभोवती असलेल्या चांडाळ चौकटीने तालुक्याच्या वाटोळे केले आहे, अशी टीका अजित पवार यांनी केली.

निलेश खासदार आहे. त्याला त्याच्याच घरी आता आमदारकी ठेवायची आहे. पारनेरकरांनो जर त्याच्याच घरात दोन्ही पदे गेली तर तुम्हाला कुणी वाली राहणार नाही. पारनेर तालुक्यात मोठी दहशत आहे. पारनेरकरांनो भावनिक होऊ नका, असे अजित पवार म्हणाले.