Nashik Teacher Constituency : निवडणुकीआधीच भाजपमध्ये दुफळी? विखेंच्या विरोधात भाजप नेत्यानेच थोपटले दंड!

अहमदनगर, (हरीष दिमोटे, प्रतिनिधी) : एकाच पक्षात असूनही एकमेकांना शह काटशह देणारे दोन कुटूंब पुन्हा एकदा आमनेसामने येणार आहेत. अहमदनगर जिल्ह्यातील सहकार क्षेत्रातील 2 दिग्गज घराणे नाशिक शिक्षक मतदारसंघात एकमेकांच्या समोर उभे ठाकले आहेत. महसुलमंत्री राधाकृष्ण विखे पाटील यांचे लहान बंधू राजेंद्र विखे पाटील यांनी आज आपला अपक्ष उमेदवारी अर्ज दाखल केला आहे. पुणे विद्यापिठाचे सिनेट सदस्य असलेले राजेंद्र विखे यांचा शिक्षकांशी दांडगा संपर्क आहे. शिक्षकांचे अनेक प्रश्न मला सोडवायचे आहेत, त्यासाठी मी उमेदवारी करत असल्याचं राजेंद्र विखे यांनी म्हटलं आहे.