Chhagan Bhujbal : छगन भुजबळांच्या त्या वक्तव्यावरून नाभिक समाजात पडले 2 गट

हरिष दिमोठे, अहमदनगर : मराठा समाजाला आरक्षण मिळावं या मागणीसाठी मनोज जारांगे पाटील आक्रमक आहेत तर ओबीसी कोट्यातून आरक्षण देऊ नये म्हणून मंत्री छगन भुजबळ हे आक्रमक आहेत. छगन भुजबळ यांनी नगरमध्ये सभा घेऊन मनोज जरंगे पाटील यांच्यावर टीका करत न्हावी समाजाने मराठा समाजाच्या दाढ्या करू नये असे वक्तव्य केले होते. यानंतर नाभिक समाजात दोन गट पडले आहेत. काहींनी छगन भुजबळ यांच्या भूमिकेचे समर्थन केलं आहे तर काहींनी विरोध केला आहे. छगन भुजबळ यांच्या भाषणानंतर ग्रामीण भागातही त्याचे पडसाद उमटू लागले आहेत.