Ahmednagar Rain : नागपूरनंतर पावसाचा अहमदनगरला तडाखा! रस्त्यांना ओढ्याचं स्वरुप, पाहा Video

नगर जिल्ह्यात शनिवारी जोरदार पाऊस झाला. पुढील दोन दिवस जिल्ह्यात विजेच्या कडकटांसह वादळी वाऱ्याच्या पावसाचा इशारा हवामान विभागाने दिला आहे. जिल्हा प्रशासनाने दक्षता घेण्याचे आवाहन नागरिकांना केलं आहे. पावसाने पाठ फिरवल्याने खरीप हंगाम वाया गेला होता. पावसाने दडी मारल्यामुळे जिल्ह्यात दुष्काळजन्य परिस्थिती निर्माण झाली होती. मात्र, जवळपास दोन तास शहरात आणि जिल्ह्यात जोरदार पाऊस पडल्याने वाहतूक व्यवस्था कोलमडली होती. अहमदनगर शहरांमधील गल्लीबोळांमध्ये मोठ्या प्रमाणात पाणी तुंबल्याचं पाहायला मिळालं. त्यामुळे नागरिकांचे मोठी गैरसोय झालेली पाहयला मिळाली.