हा माझा पोरगा आर्यमन, पंकजांनी लोकांना ओळख करून दिली, मेळाव्यातून राजकीय लॉचिंग?

अहमदनगर : भाजपचे दिवंगत नेते गोपीनाथ मुंडे यांची दसरा मेळाव्याची परंपरा गेली अनेक वर्षे त्यांची लेक पंकडा मुंडे समर्थपणे चालवत आहेत. यंदाही सालाबादप्रमाणे हजारो समर्थकांच्या साक्षीने भगवान भक्तिगडावर पंकजांचा मेळावा संपन्न झाला. पंकजा यांचे बंधू राज्याचे मंत्री धनंजय मुंडे यांनी तब्बल १२ वर्षानंतर मेळाव्याला उपस्थिती लावली. मेळाव्यास्थळी धनुभाऊंच्या उपस्थितीची जोरदार चर्चा होती. तशीच चर्चा पंकजा यांचा मुलगा आर्यमन याच्या हजेरीचीही होती. त्यामुळे दसरा मेळाव्यातून त्यांनी लेकाचे राजकीय लॉन्चिग केले का? अशी चर्चा राजकीय वर्तुळात होत आहे.