'आता आम्ही..', भुजबळांच्या राजीनाम्याच्या गौप्यस्फोटानंतर पडळकर आक्रमक, सांगितला पुढचा प्लॅन

अहमदनगर, साहेबराव कोकणे, प्रतिनिधी : राज्यात सध्या मराठा आरक्षणावरून वातावरण  तापलं आहे. मराठा आंदोलक मनोज जरांगे पाटील यांच्या मागण्या मान्य झाल्यानंतर आता ओबीसी समाज चांगलाच आक्रमक झाला आहे.  शनिवारी ओबीसी समाजाचा (OBC) महाएल्गार मेळावा पार पडला. या मेळाव्यात बोलताना छगन भुजबळ यांनी मोठा गौप्यस्फोट केला आहे. ‘सरकार आणि विरोधी पक्षातील लोक राजीनामा द्या म्हणत आहेत. मी असं भाषण करतो म्हणून सरकारमधून काढून टाका अशी मागणी करत आहे. मला लाथ घालून सरकारमधून बाहेर काढा असंही म्हणतात. पण मी 16 नोव्हेंबरला मंत्रिपदाचा राजीनामा  दिला आहे. अडीच महिने शांत आहे. मला लाथ घालायची गरज नाही. ओबीसीसाठी लढत राहणार’ असं भुजबळ यांनी म्हटलं आहे.