Prajakta Tanpure : शरद पवार गटाचा आणखी एक आमदार अडचणीत, 13 कोटींचं मनी लॉड्रिंग केल्याचा ठपका

26 कोटी 32 लाखाची मागणी असलेला राम गणेश गडकरी साखर कारखाना केवळ 12 कोटी 95 लाख या नाममात्र दरात विकल्याचा आरोप आहे. प्राजक्त तनपुरे, प्रसाद तनपुरे, सुभाष देशमुख, रणजित देशमुख यासह प्रसाद शुगर अलाईड अग्रो प्रॉडस्टस लीआणि तक्षशिला सिक्युरिटीज प्रा. ली. यांना कोर्टात हजर राहण्याचे आदेश दिले आहेत. 12 जानेवारी 2024 ला याची सुनावणी होणार आहे. पदाचा दुरुपयोग करून प्रभावाचा वापर करून कारखान्याची 110 एकर जागा गिळंकृत केल्याचा गंभीर आरोप यात ठेवण्यात आला आहे. महाराष्ट्र स्टेट को ऑप बँकेनं MRA मार्ग पोलीस ठाण्यात दाखल केलेल्या मूळ गुन्ह्यावर ईडीने ECIR दाखल केला आहे.

यापूर्वी राष्ट्रवादी काँग्रेसचे आमदार आणि माजी गृहमंत्री अनिल देशमुख यांना कथित 100 कोटी रुपयांच्या खंडणीच्या आरोपाखाली तुरुंगात जावं लागलं होतं. त्यानंतर नवाब मलिक यांच्यावरही देशद्रोहाचा आरोप करण्यात आला होता. ते नुकतेच जामीनावर बाहेर आले आहेत.