मुलीचं स्वप्न पूर्ण करायला गेले अन्...हसत्या खेळत्या घरातून बाप-लेकीची एकाच वेळी अत्यंयात्रा

ही धडक इतकी भयंकर होती की 40 फुटापर्यंत मुली आणि वडील लांब उडाले. कारचं मोठं नुकसान झालं. वडिलांचा जागीच मृत्यू झाला. तर उपचारादरम्यान मुलीनं प्राण सोडले. एक मुलगी जखमी आहे. ही धडक इतकी भीषण होती की, दुचाकीचा अक्षरशः चेंदामेंदा झाला. धडक बसताच गजाननराव यांचा पाय शरीरापासून वेगळा झाला आणि ते रक्ताच्या थारोळ्यात कोसळले. सपना आणि प्रियंकाही लांब फेकल्या गेल्या. कारच्या दोन्ही एअरबॅग्ज उघडल्या. ज्या सपनाला पुण्याला जायचं होतं, तिचा आणि तिच्या पाठीशी खंबीर उभ्या राहणाऱ्या पित्याचा मृत्यू झाला.

ज्या लेकीच्या लग्नाच्या अक्षता पडायच्या होत्या, तिच्यावर वडिलांसोबतच अंत्यसंस्कार करण्याची वेळ कुटुंबावर आली. या भीषण अपघातात दुसरी मुलगी प्रियंका गंभीर जखमी असून तिच्यावर खासगी रुग्णालयात उपचार सुरू आहेत. धडक दिल्यानंतर मनीष शोभाणी हा कारचालक घटनास्थळावरून पसार झाला. मात्र काहीवेळानंतर तो स्वत: पोलीस ठाण्यात हजर झाला. पाहुण्यांना आणण्यासाठी रेल्वे स्टेशनवर जाताना अपघात झाल्याची माहिती मिळाली आहे.