वऱ्हाड आलं, नवरी सजली पण लग्नाच्या पूर्वसंध्येला काँग्रेसच्या बड्या नेत्याचा मुलगा बेपत्ता!

Vaibhav Haibhau Mohod missing : अमरावती जिल्ह्यातून मोठी एक धक्कादायक बातमी समोर आली आहे. काँग्रेसचे नेते, जिल्हा परिषदेचे माजी उपाध्यक्ष आणि जिल्हा मध्यवर्ती सहकारी बँकेचे संचालक हरिभाऊ मोहोड यांचा मुलगा वैभव लग्नाच्या एक दिवस आधीच बेपत्ता झाल्याने खळबळ उडाली आहे. याप्रकरणी पोलीसात तक्रार दाखल झाली असून सध्या मुलाचा शोध सुरु आहे. वैभव मोहोड यांचं अपहरण झालं की काय? असा सवाल विचारला जाऊ लागला आहे. हरिभाऊ यांचा मुलगा वैभव मोहोड हा बेपत्ता झाल्याचा धक्कादायक प्रकार मंगळवारी दुपारी समोर आला. महत्त्वाचे म्हणजे वैभव याचा बुधवारी 14 मे रोजी विवाह सोहळा आहे. गेल्या काही दिवसांपासून लग्नाची जय्यत तयारी सुरू होती.