Amaravati News : 'तो' प्रश्न विचारताच रवी राणा भडकले; ठाकरे गटातील कार्यकर्त्याला लगावली कानशिलात

अमरावती, 12 सप्टेंबर (संजय शेंडे, प्रतिनिधी) : आमदार रवी राणा यांच्यावर काल (11 सप्टेंबर) हल्ला झाल्याचा प्रयत्न झाला होता. या प्रकरणी पोलिसांनी महेंद्र दिपटे या व्यक्तीला ताब्यात घेतलं आहे. हल्ला करणारा व्यक्ती हा ठाकरे गटाचा असल्याचा आरोप रवी राणा यांनी केला आहे. आमदार रवी राणा हे दहीहंडीचा कार्यक्रम संपवून छत्रपती शिवाजी महाराज यांच्या पुतळ्याची पाहणी करण्यासाठी गेले असताना महेंद्र दिपटे यांनी राणांवर हल्ला करण्याचा प्रयत्न केला. अंजनगाव सुर्जी पोलिसांनी हल्ला करण्याचा प्रयत्न करणाऱ्याला ताब्यात घेतलं आहे. ही घटना ताजी असतानाच आता आमदार रवी राणा यांनी ठाकरे गटाच्या कार्यकर्त्याला मारहाण केल्याचा प्रकार समोर आला आहे.