प्रवाशांसाठी महत्त्वाची बातमी, अमरावती-मुंबई विमानसेवेच्या वेळापत्रकात पुन्हा बदल, नवीन इथं चेक करा

अमरावती : मुंबई-अमरावती या विमानसेवेच्या वेळापत्रकात पुन्हा एकदा बदल होणार आहेत. 7 जानेवारीपासून ही विमानसेवा आठवड्यातून चार दिवस सुरू होणार असल्याची माहिती मिळाली आहे. उड्डाणाच्या वेळेत बदल करण्यात आल्याने प्रवाशांना पुन्हा नव्या वेळापत्रकाची माहिती घेणे आवश्यक ठरणार आहे. गेल्या महिन्यात दाट धुक्यामुळे 1 ते 15 डिसेंबरदरम्यान ही विमानसेवा बंद ठेवण्यात आली होती. त्यानंतर सेवा सुरू करण्यात आली, मात्र ती केवळ आठवड्यातून दोनच दिवस उपलब्ध होती. त्यामुळे नियमित प्रवासी, व्यापारी आणि नोकरदार वर्गाची मोठी गैरसोय झाली होती.