दूर्गराज रायगडावर सापडले यंत्रराज सौम्ययंत्र! का आहे खास? कशासाठी व्हायचा वापर?

कोल्हापूर : स्वराज्याची राजधानी आणि छत्रपती शिवाजी महाराजांचा रायगड महाराष्ट्राचं प्रेरणास्थान आहे. या अभेद्य किल्ल्याच्या बांधकामाशी संबंधित एक महत्त्वपूर्ण पुरावा नुकताच समोर आला आहे. भारतीय पुरातत्त्व विभाग आणि रायगड विकास प्राधिकरण यांच्या संयुक्त विद्यमाने सुरू असलेल्या उत्खनन प्रक्रियेत रायगडावर प्राचीन ‘यंत्रराज’ सौम्ययंत्र नावाचे खगोलशास्त्रीय उपकरण सापडले आहे. या शोधाने रायगडाच्या बांधकामातील शास्त्रोक्त आणि अत्याधुनिक तंत्रज्ञानाचा पुरावा मिळाला आहे. याबाबत इतिहास संशोधक इंद्रजित सावंत यांनी या यंत्राच्या वैशिष्ट्यांबाबत सविस्तर माहिती दिली आहे.