अजित पवारांचा बालेकिल्ला धोक्यात? कार्यकर्त्यांचा असंतोष उफाळला, उमेदवारांनी केलं पलायन

माळेगाव नगरपंचायतीच्या पहिल्याच सार्वत्रिक निवडणुकीत उपमुख्यमंत्री अजित पवार आणि त्यांचे राजकीय कट्टर विरोधक रंजनकुमार तावरे यांच्यात अनपेक्षित युती झाली आहे. पण ही युती स्थानिक कार्यकर्त्यांसाठी मोठी डोकेदुखी ठरली आहे. पाच महिन्यांपूर्वी साखर कारखान्याच्या निवडणुकीत कडवट शत्रुत्व असलेले हे दोन्ही गट आता एकत्र आल्यामुळे अनेक प्रभागांत कार्यकर्त्यांनी थेट बंडखोरी करत निवडणुकीच्या रिंगणात उडी घेतली आहे.