Samruddhi Highway: समृध्दीवरील अपघातांचं 'हे' खरं कारण, प्रशासनाला जाग कधी येणार?

समृद्धी महामार्ग हा या महामार्गावर होणाऱ्या अपघात आणि जीवितहानी मुळे नेहमी चर्चेत राहतो. अनेकदा अती वेगाने वाहन चालविण्याने तर कधी चालकास झोप येण्याने अपघात घडल्याच्या घटना समोर आल्या आहेत. आता या महामार्गालगत असलेल्या बिअर व वाइन शॉपमुळे अपघात वाढत असल्याचं समोर आलं आहे. समृद्धी महामार्गालगत बुलढाणा जिल्ह्यातील सिंदखेडराजा शहराजवळ अनेक ठिकाणी महामार्गलगत बिअर आणि वाईन शॉप्स आहेत. तर मेहकरजवळ अनधिकृत स्टॉलवर बेकायदेशीर बनावट दारू विकली जाते.

मद्यप्राशन केलेल्या चालकांमुळे समृध्दी महामार्गावर अपघात होतात. असं असताना अपघाताची आणखी काही कारणे समोर आली आहेत. त्यातील प्रमुख कारणं म्हणजे वाहन चालवताना चालकाची बऱ्याचदा डुलकी लागते, बऱ्याचदा रोड हिप्नोसिसचे देखील प्रकार समोर येत असतात. यामध्ये सतत एकसारखा रस्त्या पाहण्याने चालकांची झोप लागते. अशी काही अपघाताची कारणे आहेत. यावर विश्रामासाठी स्पॉट्स बनवणे, काही ठिकाणी मदतीसाठी यंत्रणा उभारणे अशा उपाययोजनांची गरज आहे.