Nitin Gadkari: असं ट्राफिक मॅनेजमेंट राज्यात प्रथमच होणार, नितीन गडकरींनी सांगितला प्लॅन

ब्लॅक स्पॉट शोधून अपघात कमी करण्यासाठी काम सुरू केलं जाणार आहे. सुरतच्या धर्तीवर ट्राफिक मॅनेजमेंटचा अभ्यास होईल. बस किंवा कारचे मोठे अपघात झाल्यास त्वरित आरोग्य सेवा पोहचण्यासाठी अद्ययावत वाहन उपलब्ध करण्यावर भर असेल, असा हा संपूर्ण प्लॅन असणार आहे.

नागपुरात 800 ते 1000 लोकांचा दरवर्षी अपघातात मृत्यू होतो. देशात दरवर्षी 5 लाख लोकांचा रस्ते अपघात मृत्यू होतो. या अपघातात मृत्यमुखी होणारे 65% मृतक हे 18 ते 34 वयोगटातील आहे. "नागपूर शहरात ब्लॅक स्पॉट शोधले." त्यावर काम सुरू असल्याचं समाधान केंद्रीय वाहतूक आणि परिवहन मंत्री नितीन गडकरी यांनी व्यक्त केले. "सुरतमध्ये ट्राफिक व्यवस्था हे एनजीओ सांभाळतात. जिल्हाधिकारी यांच्या नेतृत्वात एक टीम सूरतला जाऊन अभ्यास करेल, तशी यंत्रणा आपल्याकडे राबवली जाईल". असं यावेळी नितीन गडकरी म्हणाले.