पोलिसांनी धक्का मारला आणि कुटुंबाचा जीव वाचला, बीड बायपासवर मध्यरात्री नेमकं काय घडलं?

भररस्त्यात रात्रीच्या सव्वा एक वाजता जर तुमची फॅमिली सोबत असताना अचानक कार बंद पडली किंवा कारने दगा दिला तर काय होईल. विचार करूनच अंगावर काटा येईल. बीडच्या बायपासवर पाटोदा येथील अरुण पवार यांच्या कुटुंबावर हाच बाका प्रसंग ओढवला. पण अशा संकटकाळी बीड पोलीस त्यांच्यासाठी खऱ्या अर्थाने 'देवदूत' ठरले आहेत. गस्तीवर असलेल्या पोलिसांनी केवळ विचारपूस केली नाही, तर तब्बल एक किलोमीटर कार ढकलून त्या कुटुंबाला सुरक्षित घरी पोहोचवण्यासाठी मदत केली.