गेवराईमध्ये उद्धव ठाकरेंना मोठा धक्का, माजी आमदार भाजपच्या गळाला; पंकजा मुंडेंच्या उपस्थितीत प्रवेश

निवडणुकीपूर्वी झालेला हा प्रवेश आता राष्ट्रवादी काँग्रेस अजित पवार गटाचे आमदार विजयसिंह पंडित यांना मोठे आव्हान ठरणार असून या ठिकाणची राजकीय समीकरणे आता बदलली आहेत. तसेच विधानसभेत एकमेकांच्या विरोधात लढलेले लक्ष्मण पवार व त्यांचे बंधू बाळराजे पवार हे देखील आता भाजपात सक्रिय झाले असून ते बदामराव पंडित यांच्या बरोबरीने आगामी निवडणुकात सक्रिय राहणार असल्याने या ठिकाणी भाजपाला मोठे बळ मिळाले आहे

स्थानिक स्वराज्य संस्थांच्या निवडणुकांच्या प्रक्रियेला जसा जसा वेग येत आहे. तसतसे राजकीय वातावरण गरम होत आहे.राजकीय पक्षांकडून कार्यकर्त्यांच्या बैठका घेतल्या जात आहेत तर राजकीय नेते देखील पक्षांत्तर करु लागले आहे. अनेक नेते विविध पक्षांच्या संपर्कात आहेत. गेल्या अनेक दिवसांपासून बदमराव पडिंताच्या प्रवेशाची चर्चा होती. अखेर आज त्यांनी शिवसेनेला रामराम करत भाजपमध्ये प्रवेश केला आहे.

1995 आणि 1999 साली बदामरावांनी अपक्ष बाजी मारली. तर, 2009 साली ते राष्ट्रवादी काँग्रेसमधून विधीमंडळात पोचले. मागच्या काही वर्षांपासून ते शिवसेना उद्धव बाळासाहेब ठाकरे पक्षात कार्यरत होते. आता त्यांनी पंकजा मुंडेंच्या उपस्थितीत भाजपमध्ये प्रवेश केला आहे. भाजप त्यांना बीड जिल्ह्यात संघटनात्मक बळकटीसाठी महत्त्वाची जबाबदारी देऊ शकते.

दरम्यान, ऐन स्वराज्य संस्थेच्या निवडणुकीच्या काळात बदामराव यांचा भाजपचा प्रवेश शिवसेना उद्धव ठाकरे

पक्षाला गेवराईत मोठा हादरा बसला आहे. . बदामराव पंडित यांचा भाजप प्रवेश हा राष्ट्रवादीचे आमदार विजयसिंह पंडित व माजी आमदार अमरसिंह पंडित यांना येणा-या निवडणुकीत एक आव्हान असणार आहे.