Beed Santosh Deshmukh Murder: वाल्मिक कराड याच्यावर अखेर ३०२ चा गुन्हा! सरकारी वकिलांनी काय सांगितलं?

बीड : संपूर्ण राज्याचे लक्ष लागून राहिलेल्या संतोष देखमुख हत्या प्रकरणात अखेर वाल्मिक कराड याच्यावर खुनाचा गुन्हा दाखल झालेला आहे. सरकारी वकील जे. बी. शिंदे यांनी ही माहिती दिली आहे. वाल्मिक कराड याच्यावर केवळ आवादा कंपनीच्या २ कोटींच्या खंडणीप्रकरणी गुन्ह्याची नोंद होती. मात्र हेच खंडणी प्रकरण पुढे जाऊन खुनापर्यंत पोहोचले. खंडणी आणि खून प्रकरण दोन्हीही संलग्न असल्याने वाल्मिकवर हत्या प्रकरणी गुन्हा दाखल व्हावा, अशी मागणी विरोधकांसह सत्ताधारी पक्षातील नेतेही करत होते. तसेच संतोष देशमुख यांच्या कुटुंबियांनी वाल्मिकवर कारवाई करण्यासाठी दबाव आणत आक्रमक आंदोलन केले. अखेर मंगळवारी वाल्मिकवर हत्येच्या कटाचा आरोप करून 'मकोका'अन्वये कारवाईचे पाऊल राज्य सरकारने उचलले आहे.