अवघ्या सहा महिन्यात कुंकू पुसलं, पोटातल्या जीवासाठी गाव सरसावलं, घेतला असा निर्णय, तुम्हीही कराल कौतुक!

पती संतोष सुभाष धनुरे (वय 24) याच्या मृत्यूनंतर शीतलचा विवाह धाकटा दीर राजेश्वर याच्याशी लावून देण्यात आला. विशेष म्हणजे धार्मिक मान्यता आणि इतर बाबींना फाटा देत गावकऱ्यांनीच हा आदर्शवत निर्णय घेतला. त्यामुळे कोमेजलेल्या संसाराला पुन्हा नवी उभारी मिळाली आहे.

दरम्यान, राजेश्वर याने आपल्या वहिनीचा हात हाती घेत तिच्या पोटातील बाळाची जबाबदारी स्वीकारली. त्याला वडिलांचे नाव आणि प्रेम देण्याचे आश्वस्त केले. तर विवाहाचा संपूर्ण खर्च पप्पू हालगे यांनीच उचलला. यावेळी संपूर्ण गावासाठी अन्नदानाची सोय करण्यात आली होती. विशेष म्हणजे गावकऱ्यांनी दाखवलेली ही संवेदनशीलता समाजातील अनिष्ट प्रथांना छेद देणारी आणि नवा आदर्श निर्माण करणारी ठरली आहे.