उपाशी ठेवलं, घराबाहेर काढलं, ट्रॅक्टर खरेदीसाठी पत्नीला..., बीडमध्ये भयंकर घडलं

बीड: लग्नानंतर काही वर्षे संसार सुरळीत सुरू असताना ट्रॅक्टर खरेदीसाठी दोन लाख रुपयांची मागणी करत विवाहितेचा अमानुष छळ करण्यात आला. बीडमधील उमापूर येथून हा गंभीर प्रकार समोर आला आहे. पैशांची मागणी पूर्ण न झाल्याने महिलेला वारंवार मारहाण, शिवीगाळ, उपाशी ठेवणे तसेच जिवे मारण्याच्या धमक्या देण्यात आल्या. अखेर तिला घराबाहेर हाकलून दिल्याचा आरोप असून, या प्रकरणी चकलांबा पोलिस ठाण्यात पतीसह पाच जणांविरोधात गुन्हा दाखल करण्यात आला आहे.