'ढ' पोरगं दाखवा अन् 1 लाख मिळवा, लातूरमधील जिल्हा परिषदेच्या शाळेचं ओपन चॅलेंज, इथले सगळेच विद्यार्थी हुश्शार!

लातूर : जिल्हा परिषद शाळेत गुणवत्तापूर्ण शिक्षण मिळत नाही, असा कांगावा करीत बहुतांशी पालक खासगी शाळांकडे धाव घेत आहेत. त्यामुळे सरकारी शाळांची पटसंख्या घटत आहे. अशा परिस्थितीत जिल्हा परिषद शाळा गुणात्मक असल्याचे बेवनाळ शाळेने दाखवून दिले आहे. एवढेच नाही तर आमच्या शाळेत लिहिता, वाचता आणि आकडेमोड न येणारा विद्यार्थी दाखवा आणि रोख एक लाख रुपये मिळवा, असं आव्हानच या शाळेनं दिलं आहे. ओपन चॅलेंजमुळे या शाळेची फक्त तालुक्यातच नव्हे तर संपूर्ण जिल्ह्यात चर्चा सुरू आहे.