Virat Kohli : विराट कोहली निवृत्ती मागे घेणार? BCCIची पहिली प्रतिक्रिया

टीम इंडियाचा स्टार फलंदाज विराट कोहलीने आज साऊथ आफ्रिकेविरूद्ध पहिल्या वनडे सामन्यात 135 धावांची शतकीय खेळी केली होती. या खेळीमुळे भारताने पहिला वनडे सामना जिंकला आहे.

दरम्यान या सामन्याआधी भारताला साऊथ आफ्रिकेविरूद्ध 2-0 ने व्हाईटवॉशला सामोरे जावे लागले होते.या मालिकेत भारताच्या कामगिरीवर प्रचंड टीका झाली होती.

भारताच्या या कामगिरीनंतर विराट कोहलीने टेस्ट क्रिकेटमधून निवृ्त्ती मागे घ्यावी,अशी चर्चा रंगली आहे.या चर्चेवर अनेकांनी प्रतिक्रिया दिल्या आहेत.

इंग्लंडचा माजी क्रिकेटर केवीन पीटरसनने देखील यावर प्रतिक्रिया दिली होती. बीसीसीआयने हा पर्याय गंभीरपणे विचारात घ्यायला हवा, गंमत म्हणून नव्हे. पीटरसन यांच्या मते, रोहित आणि कोहलीशिवाय टेस्ट क्रिकेटचा अस्तित्वच धोक्यात येऊ शकतो.

मिडिया किंवा सोशल मीडियावर जे काही लिहिलं जातं त्यावर मी नेहमी विश्वास ठेवत नाही. पण जर या बातमीमध्ये अर्धंसुद्धा सत्य असेल की विराट आणि रोहित पुन्हा टेस्ट क्रिकेट खेळण्याचा विचार करत आहेत, तर याला अतिशय गंभीरतेने घ्यायला हवं. टेस्ट क्रिकेटचे अस्तित्व वाचवायचे असेल तर जगातील सर्वात मोठे स्टार्स हे फॉर्मॅट खेळण्यास हवे.

दरम्यान केविन पीटरसनने यावर आपली प्रतिक्रिया दिल्यानंतर बीसीसीआयचा जबरदस्ती यावर आपली भूमिका मांडावी लागली. बीसीसीआयचे सचिव देवजीत सैकिया यांनी अशा कोणत्याही चर्चेला थेट नकार दिला. त्यांनी स्पष्ट केले की, अशा प्रकारची कोणतीही बैठक किंवा चर्चा रोहित किंवा विराटसोबत झालीच नाही.

एका हिंदी वृत्तवाहिनीशी बोलताना सैकिया म्हणाले, विराट कोहलीबद्दल जे काही सांगितलं जातंय ते पूर्णपणे अफवा आहे. या विषयावर आमची त्याच्यासोबत कोणतीही चर्चा झालेली नाही. कृपया अफवांना महत्त्व देऊ नका.