मध्यरात्री दिल्लीत मोठी घडामोड, रविंद्र चव्हाणांनी घेतली शाहांची भेट, महायुतीबाबत काय ठरलं?

मुंबई: राज्यातील आगामी निवडणुकांची रणनीती, महायुतीचे गणित आणि मनपा सत्तेचे आकडे यावरून महाराष्ट्रातील राजकारण तापू लागले आहेत. नगर परिषदेच्या प्रचारांमध्ये भाजप आणि शिवसेना शिंदे गट आमनेसामने आल्याने महायुतीमध्ये तणाव असल्याची चर्चा सुरू होती. या सगळ्यात दिल्लीत महायुतीबाबत मोठी घडामोड झाली. दिल्लीमध्ये मध्यरात्री उशिरा एक महत्त्वाची बैठक पार पडल्याची माहिती पुढे आली आहे. भाजप प्रदेशाध्यक्ष रविंद्र चव्हाण यांनी गृहमंत्री अमित शहा यांची भेट घेतली. या दोन्ही नेत्यांमध्ये राज्यातील सध्याच्या राजकीय समीकरणांबाबत चर्चा झाल्याची माहिती सूत्रांनी दिली.