अमित शाह यांच्यासोबत बैठक, फडणवीस यांना वरिष्ठांची पसंती, मंत्रिमंडळातील १५ चेहरे समोर!

मुंबई : महाराष्ट्राचा मुख्यमंत्री कोण? या प्रश्नाचे उत्तर काही तासांतच मिळण्याची शक्यता आहे. एकनाथ शिंदे यांनी मुख्यमंत्रिपदाच्या स्पर्धेतून अप्रत्यक्षपणे माघार घेत असल्याचे सांगितल्यानंतर आता भाजपचा मुख्यमंत्री होण्याचा मार्ग मोकळा झाला आहे. महाराष्ट्रात महायुतीच्या विजयाचे शिल्पकार देवेंद्र फडणवीस यांच्याच गळ्यात मुख्यमंत्रिपदाची माळ पडणार असल्याचे सांगण्यात येते. मुख्यमंत्रिपदासाठी केंद्रीय नेतृत्वाची फडणवीस यांनाच पसंती असल्याचे देखील सांगण्यात येते.