BJP Shiv Sena : पोलीस कारवाईवरून महायुतीतच फाटाफूट? रत्नागिरी प्रकरणाने खळबळ उडवली!

मुंबई : महायुतीमधील तिन्ही प्रमुख पक्षांमध्ये अंतर्गत कुरघोडी सुरू असल्याच्या चर्चांना उधाण आले असताना आता विधान परिषदेत याचे काहीसे प्रतिबिंब उमटले आहेत. रत्नागिरी जिल्ह्यातील पोलिस प्रशासनाच्या कार्यशैलीवर भाजप आमदारांनी विधान परिषदेच्या पटलावर थेट सवाल उपस्थित करत महायुती सरकारलाच घरचा आहेर दिल्याचे चित्र विधिमंडळ अधिवेशनात पाहायला मिळाले. अल्पकालीन चर्चेच्या लेखी प्रस्तावाच्या माध्यमातून भाजपचे आमदार निरंजन डावखरे, प्रवीण दरेकर आणि प्रसाद लाड यांनी रत्नागिरीत हिंदू तरुणांवर अन्याय होत असल्याचा ठपका ठेवत गंभीर स्वरूपाचे आरोप केले.