Tiranga Yatra : भाजपची ठिकठिकाणी तिरंगा यात्रा, बच्चू कडूंचा स्फोटक आरोप, ही यात्रा म्हणजे...

नरेंद्र मते, प्रतिनिधी, वर्धा: 'ऑपरेशन सिंदूर'नंतर भाजपकडून देशभरात तिरंगा यात्रा सुरू करण्यात आली आहे. या तिरंगा यात्रेत भारतीय जवानांच्या शौर्याचं कौतुक केले जात असून पाकिस्तानला धडा शिकल्याबद्दल केंद्र सरकार आणि पंतप्रधान मोदी यांचे आभार मानले जात आहे. भाजपची ही तिरंगा यात्रा ही राजकीय असल्याची टीका विरोधकांकडून करण्यात येत आहे. तर, दुसरीकडे आता प्रहार जनशक्ती पक्षाचे अध्यक्ष आणि माजी आमदार बच्चू कडू यांनी देखील भाजपच्या या तिरंगा यात्रेवर टीका केली आहे. अपयश झाकण्यासाठीच आता ‘तिरंगा यात्रा’ काढून भावनिक वातावरण तयार केले जात असल्याची टीका माजी राज्यमंत्री आणि प्रहार जनशक्ती पक्षाचे नेते बच्चू कडू यांनी केली.