Book Exhibition: मराठवाड्यातील प्रत्येक नागरिकाने पाहावा असा दुर्मिळ खजिना, ‎छ. संभाजीनगरात भव्य प्रदर्शन

छत्रपती संभाजीनगर: मराठवाडा हा महाराष्ट्राचा अविभाज्य भाग आहे. मात्र, जेव्हा देशात स्वातंत्र्याची रणधुमाळी सुरू होती तेव्हा परिस्थिती वेगळी होती. सध्याचा मराठवाडा हा प्रदेश हैदराबादच्या निजामाच्या ताब्यात होता. 15 ऑगस्ट 1947 रोजी भारत स्वतंत्र झाला तेव्हा सुद्धा मराठवाड्यातील जनता निजामाचे अत्याचार सहन करत होती. मराठवाड्याला स्वातंत्र्य मिळवून देण्यासाठी अनेक क्रांतिकारकांनी आपलं बलिदान दिलं आहे. भारत स्वतंत्र झाल्याच्या 13 महिन्यानंतर म्हणजेच 17 सप्टेंबर 1948 रोजी मराठवाडा निजामाच्या तावडीतून मुक्त झाला. मराठवाडा मुक्ती संग्रामाचा हा जाज्वल्य इतिहास येणाऱ्या पिढीला कळवा, यासाठी छत्रपती संभाजीनगरमध्ये एक विशेष पुस्तकांचं प्रदर्शन भरवण्यात आलं आहे.