अजितदादांना धक्का पक्का.. माजी मंत्री रामराम ठोकणार, म्हणाले, कार्यकर्त्यांच्या मनातला निर्णय घेऊ

माजी मंत्री राजेंद्र शिंगणे यांनी बुलडाणा जिल्ह्यातील सिंदखेडराजा मतदारसंघातील प्रमुख कार्यकर्ते आणि पदाधिकाऱ्यांची बैठक बोलावली होती. निवडणूक कशी लढावी, कुठून लढावी यासंदर्भात कार्यकर्ते पदाधिकाऱ्यांसोबत चर्चा करण्यासाठी आज बैठक संपन्न झाली. तुतारी चिन्हावरच लढावे, अशी बहुसंख्य पदाधिकाऱ्यांची इच्छा असल्याचे सांगत मी कार्यकर्त्यांच्या पुढे जाऊ शकत नाही, असे उघडपणे शिंगणे यांनी सांगत काहीच दिवसांत पवार गटात पक्षप्रवेश होणार असल्याचे संकेतच त्यांनी दिले.