बारावीत दुसरा क्रमांक पटकावला, सगळे खूश होते, पण दिव्याने उचलले टोकाचे पाऊल!

सोयगाव तालुक्यातील शिवाजीनगर गलवाडा (अ) येथे दिव्या अतुल सोनवणे ही विद्यार्थिनी राहते. गुरुवारी दुपारी चारच्या सुमारास तिने राहत्या घरात गळफास घेऊन आत्महत्या केली. त्यावेळी घरात कोणीही नव्हते. थोड्या वेळानंतर तिच्या कुटुंबीयांची आरडाओरड झाल्यानंतर शेजाऱ्यांनी धाव घेतली. दिव्याला खाली उतरवून सोयगाव उपजिल्हा रुग्णालयात दाखल केले. मात्र वैद्यकीय अधिकाऱ्यांनी तिला तपासून मृत घोषित केले. सायंकाळी शवविच्छेदन करून मृतदेह हा नातेवाईकांच्या ताब्यात देण्यात आला.